「Double S」以泳衣襯超短熱褲行山，圈中行山友各有看法。何浩文笑說：「我覺得此風不可長！我要捕住呢個節目睇吓佢『歪風』有幾旺盛，當然要叫埋女友陪我睇！」陳婉衡笑指衣着打扮屬個人自由，但她絕不效法：「我覺得好唔方便，上落斜Support唔係咁好，咁着好易曬傷同畀蚊咬，建議佢哋下次再係咁着要搽多啲太陽油同蚊怕水。」
同是山系女孩的Super Girls成員Aka說：「每個人都有自己衣着方式，佢哋係咪行完山去沙灘游水？可能佢哋身材好駕馭到，自問擺我身上就冇可能咁好睇。（佢哋被轟引人犯罪？）我諗呢個都係節目效果，所以觀眾要當係一個綜藝節目咁睇。」江美儀則直言不會跟風：「我怕曬又怕蜜蜂螫，所以一定包到實！」