金剛之前與沈殷怡合作節目《金剛旅神團》,當中Shirley有拍攝浸溫泉畫面,但相比今次的泳裝行山Look就差得遠!金剛受訪時坦言:「Shirley咁犀利o架咩?之前真係感受唔到,收得咁埋嘅?其實我都有啲嬲,點解唔搵我做節目嘉賓?如果《金剛旅神團》再開,Shirley唔咁樣着,我哋就唔畀佢拍!」問他睇預告片時是否好開心?他笑說:「老實講,身為男人睇到係開心,有咩問題呀?其實大家可以換另一個角度去睇,條片入面都有寫啦,係『激盪的青春』啫!」而「Double S」曾與鄧月平合作節目《辣伙頭》,對於舊拍檔火辣宣傳新節目,鄧月平說:「好欣賞電視台肯試新形式嘅節目,幕後要籌備好多嘢,希望觀眾明白,加油!」