李君妍近日亦為劇集《食腦喪B》開工，監製吳冠宇表示暫時會將她其後的戲份取消，其他拍檔亦不擔心會染病。
何廣沛：同君妍嘅對手戲唔多，佢戲入面係我哋火鍋店嘅一個員工，都好耐冇一齊開工，我唔知佢嘅情況係點，希望佢冇事啦！
郭子豪：我哋對手戲唔多，但公司最近加強咗防疫措施，台前幕後抗疫意識都提高咗，而且劇組近期進度放緩，大家有更多休息時間，希望可以增強抵抗力抗病。
方紹聰：唔擔心嘅，套劇都拍完大部分，而且君妍多數係廠景，已經差唔多拍完，所以影響不大。
