林子聰冇工開當放長假

藝人林子聰與安德尊昨午現身牛頭角，為慈善團體派發防疫物資包括口罩及米糧等。林子聰坦言新冠肺炎對其工作影響嚴重：「個假期係長咗啲，但多咗時間陪家人同保養身體，況且健康係買唔到嘅，之前喺大陸嗰幾年，真係拍嘢拍到個人殘晒！依家搵少咗，遲啲咪努力番囉！（夠口罩？）以前返內地拍劇買咗一堆，事關啲廠房好污糟，入去連鼻哥窿都黑晒，依家唔使開工，口罩就用嚟防疫，一家四口夠用。」而安德尊日前主持《流行都市》時與拍檔吳天佑互窒，他說：「最緊要開心。（同天佑好Friend？）呢樣嘢你問番佢，難得啲青年朋友同我玩埋一齊！」