金剛一拖四遊東京 梁云菲比堅尼凸襲陪玩
藝人金剛與四位年輕「旅」神陳俞希、沈殷怡、余逸思及練美娟帶大家到東京拍攝ViuTV節目《金剛旅神團》。除了四位拍檔，金剛還邀請女友梁云菲（Nana）拍攝，雖然四位「旅」神不是露美腿便是騷香肩、纖腰，但Nana作為「國光女神」，來到日本當然不會吝嗇身材，更大方穿着三點式出鏡。
酬勞「少少意思」就OK
金剛受訪時表示節目去年9月拍攝，拍了20日之多，故邀請女友Nana同行，他說：「咁自己嘅節目，梗係叫埋佢啦！（要着埋bikini出鏡？）因為嗰日我哋介紹一間民宿，屋頂上面可以浸溫泉，所以安排佢出鏡。（有冇加多份酬勞畀女友？）今次成個team拍攝得好開心，好似放緊假咁，所以酬勞真係冇所謂，少少意思就得喇！其實嗰四個妹妹都有着泳衣，不過因為橋段問題，到時大家睇吓就知，今次仲係我同Nana喺香港電視上首次一齊出鏡嘛！」
另外，他們挑戰來自不同國家的辣醬，一向嗜辣的練美娟挑選了由15隻指天椒熬製而成的毒蠍辣椒醬給金剛試食，吃到他狂灌水解辣。