先甜後苦活受罪 龔嘉欣漏夜送外賣冧羅天宇

新劇中，羅天宇及龔嘉欣演一對恩愛夫妻，當日拍攝的劇情是老婆因心痛老公開OT，故漏夜送上愛心外賣，兼施展冧功，令到天宇甜入心。不過，嘉欣鍾情目標其實是手中的道具外賣，直言是她的至愛：「因為外賣係魚蛋、燒賣、碗仔翅，呢啲係我平時最鍾意食，我可以當正餐都得，所以我食晒啲道具外賣！」

慘被尹詩沛喪鬧

Sweet過後，天宇則要受苦，演他上司的尹詩沛當晚猶如「殺人狂」般鬧人。天宇事後接受訪問時亦坦言是活受罪，但亦讚對方鬧得好：「佢鬧得好狠o架！咁咪好囉，可以帶動大家都投入角色！」但詩沛卻戥天宇慘，覺得自己鬧得太狠，對方猶如一位柔弱書生，因而有點不好意思。

向有無綫「御用妓女」之稱的詩沛，今次有機會轉型做「辣辣上司」可謂過足戲癮，她說：「我入行都有10年，之前真係演好多妓女角色，今次轉型喺造型上都花好多心思，重點係個化妝，嗰條眉真係好惡！」