藝人與警隊正常聯誼惹公審 歐陽震華：小題大做！
明星足球隊日前與警隊踢友誼波，晚上再舉行晚宴，出席的人有成龍、曾志偉、譚詠麟、方中信、林國斌、歐陽震華、張智霖及羅鈞滿等，同場還有警務處處長鄧炳強。短片於網上曝光後引起很大回響，有份出席飯局的藝人都認為只是正常聯誼，覺得個別人士借題發揮。歐陽震華受訪時表示：「本來嗰日佢哋叫我踢波嘅，不過我冇踢，咁咪去食飯囉！冇所謂，都係正常、普通飯局，我有我哋嘅朋友，唔使避忌，小題大做，搵嘢嚟講！」
羅鈞滿：真的太可悲
至於羅鈞滿則說：「你哋有你哋『家常便飯』，人哋有人哋『波後飯』，有咩問題呢？只不過，21世紀20年代，任何人嘅私生活都活在鏡頭下，大家見到同瘋傳嘅都只係其他人嘅私生活，如果私人時間做咩、講咩、同咩人一齊都要被公審嘅話，或許真的太可悲。」林國斌則說：「我只係去明星足球隊度食餐飯啫，係咁多，人哋喜歡講咩就講咩。」
另外，藝人莊思明覺得此乃正常飯局，每個人都有選擇朋友的自由，不應被剝奪；而馬蹄露則認為有人別有用心，任何一種職業都毋須斷六親。