傅嘉莉出埠重裝上機
傅嘉莉（Kelly）與楊潮凱昨日結伴現身機場，啟程往柬埔寨拍攝旅遊節目《3日2夜》，預計逗留一星期。問到可擔心機上衞生問題？Kelly坦言擔心，所以做足準備，帶齊雨衣、手套及眼罩等：「再額外帶多14個口罩去用，一上機就消毒張櫈。」
戴上高防護口罩N95的楊潮凱亦表示：「專登問朋友搵咗兩個嚟，一來一回用，真係好難搵！（等陣會唔會避食飛機餐，唔去廁所？）又唔想搞到咁驚，照平時咁，用酒精消毒。」問到是否有足夠口罩存貨？他笑言幸好太太上網入貨：「暫時夠一個月用。（阿囡冇得出街，好悶？）係我癲先！佢依家好活躍，唔夠地方畀佢跑跳，會同佢去郊外地方放電。」
提到每次拍《3日2夜》必備泳衣環節，Kelly預告會去泳池拍攝，還準備了不止一套三點式。記者笑指楊潮凱艷福無邊，他即抵死說：「都唔係第一次睇！但我會迴避嘅。（有冇同太太報定案？）唔記得講添！但唔怕，做嘢啫！不過次次同親Kelly拍嘢佢都着泳衣，真係多謝公司！」