張紋嘉馬國搵筍盤
歌手張紋嘉（Crystal）首次擔任睇樓節目主持，到馬來西亞檳城、吉隆坡及新山等地覓筍盤。她大讚當地發展迅速，四處都有新建築物及商場，檳城則似舊香港，有不少特色店。她認為馬來西亞是理想居住地，吉隆坡最適合一家人居住，退休首選則是檳城。
考慮搞生意移民
Crystal直言打算在當地置業，皆因樓價比香港平得多：「想喺嗰度買樓當投資，但移民就唔會住，因為香港依然係我嘅事業發展基地。如果我諗到一門生意好啱喺當地做嘅，先會正式移民。」又指香港樓價對她來說是遙不可及，始終覺得租樓較合適。
她覺得此行最難忘是可以近距離接觸女拿督，由於對方身份尊貴，故她訪問前花了不少時間做準備工夫：「訪問前一晚好緊張，我將啲問題用中、英文背熟晒，點知見到真人後，發覺佢好健談、友善，廣東話仲講得好好。原來佢嘅生活習慣同普羅大眾差唔多，周六、日都會睇電視劇。」