周柏豪爆老竇大鑊 湊仔未換過尿片
榮升「暖爸」的周柏豪是愛妻號，太太Stephanie為他誕下小公主周芯悅，為周家上下帶來喜悅。多了一個小公主，爺爺嫲嫲都弄孫為樂，柏豪笑謂以前父母最喜歡去旅行，現在連旅行都不去，日日都來到他家見小公主。
柏豪更爆當年父親的舊事：「以前年代阿爸出去搵食，阿媽負責照顧小朋友，我有問阿爸有冇餵過我飲奶，佢竟然話只餵過一次，尿片都冇換過，阿爸仲問我：『嘩，阿B又食奶，咁快換片，一日換幾次？』我同阿爸講，佢屙幾次就換幾次囉！冇得計(口架)！我先發現阿爸係冇做過，可想而知阿媽個年代係好辛苦！」