代蓮曦丹美強制檢疫前回歸
港府昨日凌晨起實施所有從內地入境人士強制檢疫14天，在農曆新年前往海口探親的前港姐代蓮曦丹美（Daisy），幾經艱辛撲機票，趕及實施強制檢疫前，前晚返抵香港，而她回港後會留在家中自我隔離14天。
Daisy指當日機場入境人士特別多：「嗰日入境要量體溫，填健康申報表，同埋Feel到氣氛好凝重，人人戴晒口罩。香港始終人口密度高，尤其機場係集中全世界唔同人嘅地方，雖然比平時用多咗時間，但係應該嘅。」整個春節她自困家中，度歲所穿的新衫是一套睡衣：「過年前我Gel咗指甲，頭髮整咗Treatment，新衫、化妝品都買晒準備晒，點知返到海口屋企，全程冇出過街，呢次真係由細到大過得最特別嘅新年。」