公開踩無綫？李國麟認衰等照肺
早前有報道指資深藝人李國麟斥無綫劇集是「膠劇」，以及一年六騷政策有問題，昨日他在電視城解釋：「啲人用我嘅角色去睇成間公司係唔公平，如果我唔喺度做，咁我就係踩公司，但我仲喺度做，我好鍾意公司，咁做係為佢好，但我用錯方法，令好多監製老友唔舒服，借今次機會講聲唔好意思。」
他澄清沒講過劇集是「膠劇」：「係觀眾講，我只係回應，無綫劇集唔係唔得，而係未必合乎所有人口味。」至於一年六騷的問題，他指公司對他很好，足夠溫飽。問是否受壓才出來解釋？他認為是自己一手做成，至於有否被照肺，他坦言：「未照，相信公司會同我了解。（合約幾時到期？）下年5月。（唔敢再批評公司？）會照講，我係為公司好。」