藝人林子善上月底榮升爸爸，太太董佩欣（Kary）誕下女兒林以晴。早前子善為女兒設立社交網帳戶，分享其成長點滴，昨日他自爆今個月初從醫院接BB回家後，突然發現BB嘔血並血染床單，最終發現是BB咬傷媽媽乳頭所致，兩公婆還代女兒留言：「媽媽見到我突然間嘔紅色液體出嚟，即刻嚇到鼻哥窿都冇肉，手騰腳震，聽到佢打畀爸爸話好驚喎，唔知發生咩事，冷靜啲先！其實係我飲人奶嗰陣時啜到媽媽lin lin損哂流血，一次過飲埋落肚啫，咁啱我瞓喺度嘔咗出嚟。」