胡鴻鈞 溝蔡思貝唔使用腦?

胡鴻鈞昨日宣傳新歌《沒身份妒忌》時,講到終於「解凍」,他否認被雪過:「上年拍劇同受傷休養,撞完個腦比以前聰明咗!(所以溝到蔡思貝?)溝唔溝到女同聰明冇關!」又指思貝只是「好朋友」:「如果係friend知我出歌應該有聽啩,但佢忙緊拍劇。」

提及月中舉行的《勁歌》頒獎禮,他說:「咁多年嘅各大頒獎禮有冇獎都會出席,呢個係一種尊重。(睇好邊個?)張敬軒,亦有心水係周柏豪。」並讚柏豪演暖男角色好貼心:「如果有暖男角色我都想做。」當提議他用柏豪劇中的冧女對白向思貝說一次時,他即笑說:「有機試吓!」