譚嘉儀做「情侶」想咀謝東閔
歌手譚嘉儀昨日到電台宣傳新碟，透露剛拍好兩首歌的MV，其中《丫鬟大聯盟》主題曲由謝東閔擔任男主角，問到可是自己揀？她笑說：「唔係！老闆話因為佢都有演出套劇，我哋喺入面演sweet嘅情侶。（有冇錫？）差啲。」講到她之前錫過馬國明，問到可會不想錫謝東閔？她笑說：「唔會唔想，如果劇情需要都唔介意。」
講到勁歌金曲頒獎禮將至，吳若希睇好她攞金曲金獎？她表示平常心：「我都睇好佢(口架)！佢《多功能老婆》好爆！（菊梓喬呢？）梗係支持！」講到好友何雁詩與鄭俊弘宣布年底結婚，問到事前可知道？她差些講錯說話：「估到，佢哋咁sweet，都覺得差唔多，開心見到佢哋拉埋天窗，如果……（如果咩？雙喜臨門？）我冇講咩，我祝佢哋三年抱兩，哈哈！」