張美妮啟動少女Mode老公最Happy

藝人張美妮於無綫新劇《丫鬟大聯盟》演丫鬟，笑言此乃入行20年來的首次，感覺相當有趣：「同劇其他女仔普遍都細我10年，好在我個樣都保養唔錯，呃得吓人，只係個人成熟咗少少啫！」為了融入丫鬟堆，她刻意將性格Tune到年輕10歲，連老公也大感新奇：「我將10年前主持旅遊節目時嘅活潑嘢拎番出嚟，點知最開心係我老公，話我少女咗好多，哈哈！其實開始拍嗰時係有啲格格不入，後來好快Tune到活力晒，同埋角色性格講我好賢良淑德，呢樣唔難，做番自己嘛！不過同呢班女仔群戲好多，由朝對到晚，合作得好開心。」