新演員顧定軒有份演出電影《麥路人》，日前他偕導演到戲院出席分享會，他表示拍攝前跟導演、編劇溝通好其飾演的深仔性格有幾頹廢，從而投入角色，他說：「今次係我第一次打人，同之前嘅斯文角色比較，今次好有新鮮感，希望觀眾鍾意。」他開心有機會演出這個角色：「呢一刻都唔敢相信自己可以同咁多位前輩影帝影后合作，好夢幻，好似發緊夢咁！」
