蔡瀚億開公司諗多過做

演員蔡瀚億昨日到電台受訪，他總結今年工作雖然拍戲較少，但年初有無綫劇《荷里活有個大老千》推出，最近又在香港開電視與ViuTV分別主持《宜居住遊行》及《空肚講宵夜》，希望明年主持、演員兩兼顧：「想學吓故事創作、搵投資者、搵導演嘅電影前期工作。」他與梁祖堯主持《空》一拍即合，發現大家可以拍檔做生意：「佢鍾意煮，唔鍾意做生意；我就鍾意食，唔鍾意煮，咁樣合作幾過癮。」又表示自組公司後太多想法，但時間不夠，做唔切。