隊友冧暈張紋嘉Alan：佢係戲子
樂隊Mr.主音布志綸（Alan）與歌手張紋嘉（Crystal）昨日到洪水橋出席聖誕活動，與街坊玩遊戲派禮物。Crystal提起早前與Mr.結他手Ronny合作拍劇，Alan即加把口：「我都有聽Ronny讚你演技。」Crystal即說：「我都有讚佢，佢又靚仔、鬼鬼哋，我好少見佢做戲，曳曳哋角色好啱佢。 」Alan又半開玩笑說：「佢好識演戲o架！佢係戲子，大家都知！」
問到聖誕送甚麼禮物給太太？Alan笑言要保持神秘，兒子則送模型：「之前工作幾忙，去咗台灣做嘢，聖誕會主力陪小朋友，佢依家3歲幾，佢朋友多過我，聖誕同佢走咗幾場！」Crystal則透露已收到男友送贈的按摩槍做聖誕禮物，激讚晚晚都會用，問到男友不用做人肉按摩？她笑說：「佢懶嘛！」