千嬅力爭大滿貫 李施嬅出口術搶視后

無綫《萬千星輝頒獎典禮2019》將於明年1月12日假將軍澳電視廣播城舉行，昨日率先公布候選名單！楊千嬅及李施嬅同獲三項提名，成為女藝人提名大贏家，其中千嬅以《多功能老婆》角逐「最佳女主角」、「最受歡迎電視女角色」及「最受歡迎電視歌曲」獎，如果成功奪得視后，將創下「大滿貫」攞齊歌、影、視大獎！她的主要對手惠英紅憑《鐵探》入圍爭獎，日前才於澳門《華鼎獎》憑該劇封視后，兩大影后一較高下，令選情增添刺激。

惠英紅想贏埋「最佳劇集」

千嬅昨日宣傳《多》劇時直言拍出戲癮，因角色與自己性格反差較大，問到會否想攞視后，她說：「冇諗！我有睇《鐵探》、《金宵大廈》同《解決師》，大家都好好。（睇好邊個？）唔識睇，大家戲種唔同。（自己有冇信心？）OK啦！我稱職做番一個多功能老婆。（攞埋視后就歌影視大滿貫！）平常心，如果攞到『最佳劇集』更加好。」勁敵惠英紅氣勢相當強勁，身在內地拍攝節目的她受訪時表現興奮：「其實我喺無綫好多年，一啲成就都冇，幾傷我自尊心，有提名已經滿足！（想拎獎？）梗係想，但亦都想姜皓文、黃智賢同袁偉豪都攞，最好大滿貫攞埋『最佳劇集』啦！」

楊千嬅若奪得視后便「大滿貫」，但不會強求。	高海寧對女配角獎較有把握，全力拉票。	惠英紅憑《鐵探》爭視后，對選情充滿信心。

至於李施嬅入圍視后外，亦有份提名「最受歡迎電視女角色」及「最受歡迎電視拍檔」，被問到有否信心奪大獎時，她大口氣說：「我想攞晒！想《金宵大廈》喺任何提名都攞到獎！我都入行一段日子，今年似有機會攞，如果係就好圓滿。（有乜勁敵？）好多喎！全部都影后級，我只係一個微電影影后嚟啫！」

高海寧降呢博攞「女配」

而一直多產的高海寧亦有三項提名，分別憑《婚姻合伙人》角逐視后及「最受歡迎女角色」，憑《金宵大廈》入圍「最佳女配角」。被問到對哪個獎項較大信心，她說：「覺得『女配』會有少少機會，因為《金》劇口碑好，我演嘅媽咪角色受歡迎，如果大家投票就集中投我『女配』啦！視后就未係時候，睇好李施嬅同惠英紅。」

另外，劇集《丫鬟大聯盟》將於12月30日播出，趕得切「尾班車」入選，主角洪永城與湯洛雯獲提名男、女主角。另一主角黃心穎依然「被放棄」，就算有份參演《牛下女高音》，但於整份候選名單中「消失」。