何雁詩日前感冒菌入腸胃，屙到七彩，她在Ig Story自爆屙到入院，並感激男友鄭俊弘通宵在醫院陪伴她，昨日她回覆：「我屙咗7日，諗住去急症攞藥，醫生話我屙咁耐同埋非常脫水，建議我入院吊鹽水，驗埋血同大小便。」留院一晚，她的情況終於好轉：「好番好多，雖然仲屙緊，但同之前差好遠，之前一日屙十次，真係離開唔到洗手間！（報告出咗未？）種到有啲菌，但冇嘢嘅，食藥就可以，吊咗鹽水，補充番啲水份同電解質，之前因為我食唔到嘢，令佢哋好擔心，依家好好多。」