張子丰影相唔掂被女友詐型
歌手張子丰近日推出新歌《完美情人》，講述一對戀人未滿的男女，因種種原因未能走在一起。問到他現時可有對象？他說：「冇呀，一路有留意身邊出現嘅人，不過都係隨緣，想係圈內人，會了解我做啲咩。」
講到曾經為另一半做過最冧的事，他自爆是手作王︰「試過為女友設計佢鍾意嘅卡通人物iPad套，唔會買貴嘢。」張子丰的另一身份是導演，卻認衰仔指沒剪過片送女友︰「另一半係有要求過，但喺私人時間比較抗拒做有關工作嘅嘢。（影相？）係天下間作為男友最難嘅一件事，冇順利影到一張，所以成日都會聽到『又話係導演嚟嘅！』」
髮型︰Terrence Chan@HAiR