婚後兩個月張致恒又做老竇！

藝人張致恒（Steven）今年7月驚爆與圈外女友雯雯育有一子張天寶，當時為兒子舉行百日宴後，9月正式簽字結婚。想不到婚後兩個月，雯雯已極速懷上第二胎，據知現時佗B不足三個月，未能正式向外公布！不過，她近日透過社交網發文，感謝老公貼心照顧，亦暗示喜訊：「已經幾日食唔到嘢，咩都冇力做唔到，辛苦你照顧個仔仲要照顧我，辛苦你要遷就我嘅脾氣同無理取鬧。仲有幾個月，大家一齊努力堅持埋佢！」Steven亦留言：「因為你，我真係要好好減肥先得，如果唔係我抱唔到兩個啊，我愛你！」