溫家偉泰國搵食撲空

藝人溫家偉離巢無綫後，除了專注在新加坡拍劇外，近日亦去泰國拍攝網上飲食節目。他笑言去當地的目標是光顧一間榮獲米芝蓮一星的小炒店，但去了3日都不成事：「第一日中午12點去到，但原來2點先開，見到啲人喺出面攞位，我哋排55號，所以決定出去食其他嘢先，7點返到去只係叫到25號，所以就放棄咗。」
心水食店冇開，溫家偉轉場食好西！
心水食店冇開，溫家偉轉場食好西！

他翌日早上10時多就去攞位，豈料食閉門羹：「舖頭閂咗冇開，第3日都係閂咗，到第4日先開番，但我哋嗰日已經要飛，所以食唔到，好Sad！」但他表示此行亦試了很多美食，而且對泰式奶茶情有獨鍾：「一日飲5、6杯奶茶，見到邊度有就買，就算幾飽、唔口渴都會飲，好彩冇肚屙！（一日最多食幾多餐？）又冇數，因為真係不停食，食到滯！」

大大隻燒雞，夠晒滋味。
  • 大大隻燒雞，夠晒滋味。