許家傑搵港姐做老婆 林淑敏放手
無綫處境劇《愛．回家之開心速遞》昨日舉行萬聖節派對，並宣布明年起將一星期播足七日。呂慧儀希望鄭伊健能客串演出，許家傑則提議搵番「前妻」，但一定是港姐級數。
劇中一班演員劉丹、呂慧儀、湯盈盈、滕麗名、林淑敏與許家傑等昨日在將軍澳電視城預祝萬聖節，並宣布明年1月4日起《愛》劇將一星期播足七日！玩萬聖節化妝遊戲時，湯盈盈被單立文狂糟質，以唇膏畫上血盆大口變身「Joker」，她笑說：「阿滕問我晏晝使唔使開工，我話唔使，點知就畀佢哋整到咁！」
呂慧儀恨伊健客串
提到劇集可以日日播，被問到小朋友可會投訴？呂慧儀笑說：「我個仔成日投訴，問我點解唔帶埋佢開工，相信之後除咗喺屋企都係返工。」至於播足七日豈不是很容易「爆Show」？她續說：「唔係嘅，將來會有多啲人加入，我就希望四大天王、鄭伊健會嚟客串，伊健同張景淳咁似樣，嚟到可以做佢阿哥。」問到湯盈盈可會找老公錢嘉樂來客串？她笑說：「唔好啦！佢要湊女。」
林淑敏則表示已有心理準備，許家傑亦笑言生理上要準備冇得瞓。兩人又希望可以有更多新演員加入，好似劇中許家傑的前妻從未現身，令她覺得沒有對手！許家傑笑言對「前妻」的要求一定是港姐級數，心儀是王君馨：「我哋係好兄弟，但未試過正式合作。」林淑敏即笑說：「如果係王君馨，我就安心讓畀佢！」