陳庭欣撞車撞瘀面頰

前港姐陳庭欣（Toby）昨晚在網上透露返工時發生交通意外，車尾更被撞凹，不過幸好她只是左邊面頰顴骨位置撞瘀，並冇其他位置受傷：「剛剛返工路上遇到小小交通意外，幸好的士司機及的士上兩位乘客都無受傷，我只是輕輕左邊面頰顴骨位置撞瘀咗。大家揸車真係要小心啲，特別係繁忙時間，唔好咁心急Cut線啊！」Toby回覆本報時表示：「當時我同架的士都係將軍澳隧道方向行駛，可能有人心急撞咗去我架車尾部，好在的士上兩位乘客都有戴安全帶冇事。大家處理完之後，我趕住返無綫，我仲車埋的士上兩位乘客去調景嶺，之後我都有同家人同男友報平安。」