古天樂遭「老婆」踩場定過抬油

古天樂日前剛度過49歲生日,前晚主演新片舉行首映禮,期間有女狂迷大吵大鬧:「我是古天樂老婆!」引起一陣騷動,但台上的他處變不驚,非常淡定。

古天樂、宣萱、姜皓文及張繼聰等前晚出席電影《犯罪現場》首映禮,大會特別準備蛋糕為21日生日的古仔及即將生日的姜皓文慶祝。期間發生一段小插曲,一名古仔女狂迷在場外以普通話不停大叫:「我是古天樂老婆!」引起一陣騷動,但古仔在台上依然從容淡定。

剛度過49歲生日的古仔指願望身體健康,已跟家人慶祝。宣萱笑言已送禮物,保證他一定喜歡。古仔亦表示記得她生日,卻被對方爆料:「但遲咗一日囉!記一世。」講到若再合作希望演甚麼類型角色,古仔指宣萱想演反派望有所突破,她笑說:「唔一定係反派,想試吓演患自閉症嘅醫生。」

將於26日生日的姜皓文透露,今日先與太太慶生,明日則是結婚20周年,故會連續慶祝,又指原本計劃旅行,但因工作未能成行:「叫太太鍾意買乜禮物就自己揀,佢好似揀咗首飾,其實我啲錢都係交晒畀佢。」

張繼聰開槍「瞓捩頸」

至於張繼聰透露片中有不少開槍戲,拍攝過多星期後似「瞓捩頸」,又讚古仔、張家輝與劉青雲揸槍姿勢夠晒型,將來再拍警匪片,打算加入槍會學揸槍。問到太太謝安琪可有安慰他?阿聰笑說:「我會將啲傷勢誇張十倍,都係想老婆關心吓,同埋喺啲仔女面前炫耀吓。」