派對短敍復合？ 洪永城：打個招呼 唐詩詠：點止咁簡單！
分手兩年的洪永城與唐詩詠，前晚激罕在黃翠如生日派對同場，又玩遊戲又合照。洪永城聲稱到場只是打個招呼，事後卻與詩詠在網上互動，詩詠更笑說：「點止打個招呼咁簡單？」網民紛紛揣測他們有望復合！
昨日踏入38歲的無綫花旦黃翠如，前晚與多位藝人好友提早慶祝，包括馬國明、洪永城、唐詩詠、曹永廉、陸永及C君等，並在林盛斌（Bob）家裏大搞生日派對，惟焦點卻是於2017年結束兩年情的洪永城與唐詩詠激罕同場！
派對當然少不了溫馨場面，蕭正楠攬實老婆翠如頭貼頭合照放閃外，吹蠟燭時，Bob與女兒也一起吹，Bob更偷步搶吹！眾人又大玩集體遊戲「狼人」，扮演醫生的洪永城不熟悉遊戲規則，本應救人卻被殺，累隊友當場「身亡」！
笑蕭正楠霸中間
網晒大合照的洪永城，留言窒壽星女：「呢排成日見，本來都唔想再見到你，不過大家熱烈邀請，點都嚟一嚟打個招呼。」又Hashtag「大個女喇分析能力要強啲」及「唔係自己生日就成日企中間」，寸蕭正楠霸了老婆的中間位，非常搞笑！怎料舊愛唐詩詠即留言寸他：「你點止打個招呼咁簡單呀？明明係醫生又唔講，等大家殺咗你。」由於這對過氣戀人分手後甚少同框，加上已有女友的洪永城竟單拖現身，引起網民熱議，揣測二人是否有望復合！
壽星翠如踩多腳
而翠如見詩詠留言亦踩多腳：「醫生扮殺手，抵！」更向洪永城女友投訴說自己被殺，對方即回覆：「Let me kill him now.（等我殺咗佢！）」翠如又留言感激詩詠安排生日會，又笑指齊吹蠟燭的Bob一家都生日，令當日似足「人日」，她留言：「最快樂的，是有這一班瘋朋友，陪伴着，大笑着。#謝謝Nat（唐詩詠）所有最甜的安排。」