周五旺角開騷阮兆祥諗定Plan B
阮兆祥為周五於旺角麥花臣場館舉行的演唱會綵排，他不但「滅口」養聲，並感激朋友支持︰「有買飛、買唱片同捐錢，今次開騷謝絕花籃，後台會有個慈善籌款箱，仲有人送滴雞精、人參畀我。」邊說邊興奮地拎出私家金咪「藍藍」：「老闆王祖藍專登送嚟畀我，呢支咪價值不菲！」
同期開騷的蔡一傑、陳綺貞及馬浚偉先後受社會因素影響，前兩者取消，馬浚偉則將某幾場改期，阮兆祥亦坦言：「會擔心觀眾嘅交通同安全，有諗過星期五嗰場提早，但Fans未放工，上天自然有最好安排。（有Plan B？）當然有，但唔希望用到。」