5年內冇拖拍余香凝驚攝灶罅

藝人余香凝、組合Super Girls（SG）成員Aka及Heidi昨晚出席活動，余香凝自爆最近獲相士指點迷津：「佢叫我嚟緊5年唔使諗姻緣，都好，可以專心做嘢。」又笑稱將出席SG成員Jessica的婚禮，原本打算多留幾天碰艷遇，但聽完相士講後，決定去兩日一夜。她大呻驚嫁唔出：「身邊好多人結婚，原本諗住30歲結婚，好彩相士話我嫁得出，但要30幾歲。」
Heidi自嘲肥人唔肥胸。
Heidi自嘲肥人唔肥胸。

至於Heidi透露剛從日本返港：「肥咗5磅，所以返嚟唔敢食嘢，不停做運動，我唔似Aka食極都咁瘦。」Aka則笑言肥在「隱蔽」地方，例如大髀及臀部，Heidi即笑言：「我已經冇胸，有pat pat好啲。」她又稱在日本被誤認是當地人：「有啲弟弟走埋嚟同我講日文，讚我Kawaii。」

余香凝冇愛情運，惟有寄情工作。
  • 余香凝冇愛情運，惟有寄情工作。