Sora@ONE PROMISE被嘲灰姑娘

樂隊ONE PROMISE近日推出新歌《當這地球沒有鐘》，主音文廸指講述自由意志︰「想大家唔好畀時間束縛，選擇鍾意嘅生活方式。」但成員Anton爆新歌另有含意︰「有個隊員係『灰姑娘』，每次夾Band都要12點前完，畀佢趕搭尾班車，因為佢結咗婚，係個好老公。」被指「灰姑娘」的Sora解釋︰「搭港鐵慳錢過搭的士。」Anton沒理會，繼續笑說︰「有一晚唔知點解夾極都係11點半，但原來已經係2、3點，先發現個鐘冇電，覺得呢次夾得特別爽！鍾意做嘅事係唔會被時間限制，就用咗嚟做題材，同時要同Sora嘅太太道歉，因為嗰晚佢好似畀太太扭耳仔。」