苟芸慧「疏遠」姊妹 陸漢洋:想過二人世界

藝人苟芸慧去年與拍拖兩年多的富三代錫礦大王後人陸漢洋結婚,婚前婚後苟姑娘都多番表示喜歡小朋友,眼見好姊妹們大部分已升呢媽咪,想生B也是人之常情,雖然陸漢洋現在尚未準備好,但他曾開口表示喜歡虎B,故生B計劃有拖冇欠,昨日又傳苟芸慧身形有變,散發孕味,陸漢洋笑說:「當娛樂新聞囉!(孕味濃?)絕對冇啦!」

另有指苟芸慧婚後減少與昔日的「處女黨」岑麗香和鍾嘉欣等見面,問到是想多陪老公還是老公想她多陪自己?他說:「哈哈!兩樣都唔係,其實無論工作定個人社交生活,大家都畀好大自由度對方,不過結婚唔係好耐,想多啲二人世界相處就係嘅。」