馬浚偉開戲預埋林子博

藝人馬浚偉昨日接受電台訪問，談到好友兼抗癌戰士李明蔚接受手術，甫康復即往「探班」，他說：「係佢手術後首次出街！我哋去咗食飯，然後我話綵排，佢想嚟睇。佢係一個唔想靠人哋嘅女仔，我嘅演唱會門外會發售佢嘅書、手作等，場地仲講明唔抽佣，可以畀番晒啲收入佢。」演唱會將加入「感動時刻」，他透露會邀請基層家庭成員擔任表演嘉賓。