讚吳浩康有男人味 崔碧珈:我想做媽咪!

擁有36G驕人身材的咪神崔碧珈,對「生財工具」甚為緊張,笑言寧願肥肚也不要瘦胸,原來她還緊張自己的生育機能,恨生B的她,每年做體檢,全因被好友一句「高齡產婦」嚇窒。

崔碧珈(Anita)一向有家族遺傳糖尿病,爺爺和爸爸都是患者,故她一直很注重健康,早前應東網巨星節目「海馬牌床褥特約」《閨蜜睡房》邀請擔任嘉賓,一連三集與主持人李文珊(Sherman)傾閨蜜話。

身材豐滿易畀人識

Anita提到數年前採用生酮飲食法,改善健康及減肥,7月期間更推出減肥書分享經驗,現正籌備推出英文版和法文版,將減肥書衝出香港市場。很多人好奇她為何瘦身不瘦胸,Anita笑言觀眾愛將注意力放在她心口,故絕不介意性感:「好多人都好喜歡睇呢樣嘢,呢個係其中一個畀人認識我嘅渠道。」不說不知,現年31歲、未婚的Anita其實已恨做媽咪:「我想做媽咪,我覺得女人有下一代嘅話,係另一個層次,我身邊好多女仔朋友,27、28歲結咗婚,然後有小朋友,佢哋成日同我講,話我已經係高齡產婦,不過醫生話我仲後生,40歲先係高齡。」

曾經暗戀謝霆鋒?

與歌手吳浩康(Deep)拍拖前,曾經有過日籍及英籍男友,但還是覺得亞洲男士最吸引,她還公開讚Deep有男人味。不過現階段Anita對事業仍充滿衝勁,除了性感角色,她更想挑戰單親媽媽、孕婦,甚至變性人的角色。Anita又自爆第一個暗戀對象竟然是謝霆鋒,大家想知道更多,記得本星期五、六、日收睇《閨蜜睡房》!