姚子羚跑足幾條街 赤腳追小巴
藝人姚子羚前日到西貢拍攝無綫新劇《大步走》，她表示在這套講述跑步的劇集中，由初學者演起，因此有很多訓練戲份，反而真正跑步高手陳山聰及胡諾言跑得較少。講到暫時最難忘的一場戲，她透露是要赤腳追小巴：「我喺西貢跑咗幾條街，跑跑吓仲除埋鞋！（辛唔辛苦？）開工時間長啲，因為條條線都關我事，體能最甘嗰啲未拍，依家最辛苦係天氣好熱驚溶妝，有時拍成日，中間要返屋企轉妝，仲有係好曬，曬咗個Sport Bra印。」
講到好姊妹李施嬅被問到感情事時，笑言想子羚及胡定欣有好着落，對此子羚說：「我哋都好隨緣，如果姊妹有，當然戥佢哋開心，但就好少傾o架喇！（仲有冇互相介紹好男仔？）冇啦！都冇咩識到新朋友，我依家開工好忙，去廁所都唔夠時間呀！」她直言幾位「胡說八道」姊妹又正計劃旅行，但時間愈來愈難夾。
