硬搶羅仲謙！ 張秀文慘豬博同情

險捱撞的張秀文嚇到成個呆咗，然後坐地扮可憐。

藝人羅仲謙、張曦雯（Kelly）及張秀文昨日拍攝新劇《木棘證人》，劇情講述秀文遭男友家暴，滿面瘀傷地拉着行李離開，怎料差點被車撞，幸得舊愛羅仲謙收留，她即向對方投懷送抱，令現任女友Kelly不是味兒。

有錯會認

秀文表示在劇中扮可憐，希望翻撻前度，問到現實中有否試過扮慘箍煲？她笑說：「我好少用呢種方法，因為我個人比較講邏輯，會用短訊寫前文後理去解釋，但我發覺唔Work，只會令件事更差，所以我要喺劇中學習吓，做啲女人啲嘅方法。其實如果鬧交，而我知自己錯嘅話，我會認錯，我係知錯能改嘅人，只係好多時都唔知自己錯啫！哈哈！」又表示不曾被男友暴力對待：「但男仔有時會用掟嘢同打牆去發洩情緒，都會嚇親。（打男友出氣？）冇，平時工作要太多精力，返到屋企都冇力。」

張秀文「奸計」得逞，成功獲羅仲謙攬攬。	放大圖片	張秀文（右）以慘慘豬樣硬搶羅仲謙，令Kelly勁谷氣。

至於羅仲謙與Kelly首度合作，Kelly在劇中經常鬧人，跟其性格大相逕庭，羅仲謙亦笑指曾被她的Cool樣嚇親，但看過《3日2夜》就知她性格樂觀。Kelly則自認是羅仲謙太太楊怡的粉絲：「好想同佢合作，但我會有壓力。」羅仲謙聞言笑說：「我都想同佢合作，我都好大壓力，不過唔好做情侶，大家畀我抖吓，演敵對都可以！」