李佳芯易角冇失望

藝人李佳芯早前傳捲入政治風波,原定由她與黎諾懿主演的劇集《BB來了》續集最終易角。兩人昨晚被問到此事,佳芯自言不知情:「我向來唔喺公司收風,好多嘢都係靠佢(黎諾懿)呢個小八婆,依家真係有續集咩?之前係話停,所以究竟有冇係唔知。(失望?)唔會,又唔係第一次發生喺我身上。」問到昨晚有得錄影是否解封,她稱睇報道才知「被雪藏」,事實上公司甚麼也沒說。

而黎諾懿拍心口表示兩人有生之年一定會有合作機會,是否有份拍續集不要緊。問到可有覺得愧對對方,佳芯即場問諾懿有否不開心,他笑說:「我非常開心,你冇拖累我,你係我最好拍檔,我係盲撐你!話唔定《BB來了3》係我哋拍呢!」