歌手戴祖儀在前晚的港姐決賽中估中三甲順序，在200名現場藝人中獲抽中成為幸運兒，獨贏20萬獎金！她受訪時坦言抽獎時相當緊張，感覺猶如自己上台選美：「我同星夢班師姐一齊坐，大家都戥我緊張！（會點用筆獎金？）好大部分會用嚟請公司同事食飯，老闆都咁叫。（預幾多錢請食飯？）最近同事胃口幾大，唔會放過我！我哋加入公司嘅傳統係要請，但我加入年幾都未請，一次過啦，會預五位數！」又笑言頭上的蚊瘌果然「紅」運當頭，帶旺她贏得獎金。
