中島美雪偏愛香港暖男
日泰混血模特兒中島美雪（Miyukibaby）擁有零贅肉身材，三圍33C、22、32，舉手投足都散發吸引力，她出生於日本，之後到泰國讀中學，再返日本讀大學，近年開始來港接模特兒工作。
外形酷似女星Angelababy的她表示，有留意對方的電影及綜藝節目：「好鍾意佢，佢好靚，有人話我似佢，我覺得好怕醜又好開心，視佢為目標，但要似佢咁叻係好難。」至於會否想學Baby找個似黃曉明的另一半？她笑說：「都好呀，但相信好困難！（有咩擇偶條件？）心地好、專一、會照顧我。（外形？）高大、成熟，大隻有型更好！」
被誤會變性人
穿梭港日泰三地，她直言最喜歡香港及這裏的朋友，又讚香港男士吸引，有暖男元素：「香港男仔好親切，反而日本男士好冷漠，有時掛住工作會忽略另一半，甚至一星期只見得一次，如果有機會，會接受同香港男仔拍拖。」目前廣東話仍是有限公司的她，只懂得說「你好」、「靚仔」及「靚女」，笑言最想找港男教她廣東話。
有泰國血統的美雪又自爆笑料，因網上有一條短片中傷她是變性人，她直言得啖笑：「可能我來自泰國，當地有好多靚女都係變性人。（有冇唔開心？）冇得在乎太多，惟有諗，即係話我係靚女。」
Profile
中島美雪
年齡：22歲
身高：1米67
三圍：33C、22、32