南非之旅宣揚保育 羅天宇張曦雯與獅同行

藝人張曦雯與羅天宇為無綫節目《12個夏天》到南非約翰內斯堡及開普敦拍攝,於動物保護區與獅同行,更當上義工照顧瀕危海鳥。

天宇直言今次旅程是他人生最有意義的一次:「我好鍾意小動物,當地有好多,去到草原見到犀牛、獅子,以前係睇卡通片或紀錄片先見到,好似入咗去童話世界咁。」他此行亦首次潛水,上了兩小時速成班並潛落水族缸,跟海龜、魔鬼魚等暢泳:「見海龜係我人生List想做嘅其中一件事,心情好難以形容,教練話佢哋好鍾意我哋摸佢哋嘅頭,佢哋真係好開心,不停游埋嚟,好可愛!至於點解佢哋會喺水族館,因為食咗好多膠落肚,被救之後就放喺呢度休養。」他指南非很着重環境保育,很榮幸能將如此有意義的訊息帶給香港觀眾。