黃翠如鹹竹蜂孝敬阿蕭
黃翠如、陳敏之、余德丞等昨晚出席時裝展活動，翠如剛自澳洲拍攝返港，其夫蕭正楠（阿蕭）日漸消瘦，問到是否太掛住她？翠如笑言：「係呀！佢係瘦咗好多，但唔係因為我，佢拍緊套劇，角色係個極貪靚嘅男仔，我未見過佢咁認真，減咗20磅，我都覺得佢瘦得滯，叫佢食番多啲嘢。」
蕭正楠今日與「二奶」曹永廉開演唱會，翠如指買了鹹竹蜂給他們養聲：「一包畀老公，一包畀二奶。（會否做嘉賓？）係喎！佢哋都冇提過搵我做嘉賓。（係咪二奶唔畀？）呢個機會都唔細。」而近日緋聞多多的余德丞笑言娛樂圈多靚女，入得行都預了多新聞。對於緋聞女友蔡思貝表示有約他食飯，他指對方約下星期，但他有工作不能應約，更自認向來小器。
