舊愛莊思敏：唔知佢哋乜嘢關係
對於吳浩康與崔碧珈未認愛先擘面，Deep的兩位舊愛藝人莊思敏和歌手鍾舒漫昨日都封口不提。身在外地的莊思敏回覆：「唔知佢哋乜嘢關係，冇親口聽過佢哋承認過任何嘢，所以都唔方便畀任何意見。」而鍾舒漫亦表示不作回應。
Deep入行17年來戀情多籮籮，舊愛全屬有料之人，除了「拿督女」莊思敏和鍾舒漫之外，還包括「視后」胡定欣。其中，Deep於2013年搭上師妹鍾舒漫，二人一度到談婚論嫁的階段，惟最終分手收場。其後他戀上富家女李昭南，她不但高學歷，而且有樣有身材，更奪得「全美華埠小姐」第二公主，不過最後戀情只維持兩年。