藝人顏子菲與吳雲甫昨日接受電台訪問，二人早於加拿大讀大學時已認識，最近一起教彈床健身班。顏子菲笑指男方一直暗戀她，問到可有發展機會？吳雲甫說：「吓？考慮吓！其實我依家都算係佢四分一個老闆，因為佢喺我個Studio教班，如果一齊嘅話，就變咗佢係我老闆。」顏子菲笑說：「要考慮？咁割席啦！其實大家識咗太耐，似屋企人。」
