劉坤銘Man爆護新歡:唔需要同羅霖比

羅霖前夫劉坤銘回復單身多年,近日爆出新戀情,女友是現職香港基督教女青年會總幹事楊建霞(Yvonne),有指女方同樣曾離婚,並育有一子。劉坤銘昨回覆承認與Yvonne交往一段時間,欣賞她是實幹型的現代職業女性,有其特別之處,對外界將她與羅霖相比,劉坤銘即Man爆維護:「一段還一段,唔需要比較,冇嘢可以比較,過去咗就過去咗。(戀情曝光Yvonne有冇唔開心?)始終心理上有,人哋唔係圈內人,唔會講太多。(有結婚打算?)呢啲私人問題,唔答得住,私人嘢唔可以影響佢,要得佢同意先講。」並澄清並非在教會認識,而是在慈善團體活動上邂逅。

他透露尚未正式介紹女友給三個仔認識:「我諗我呢個年紀一定有朋友交往,細路仔唔會理大人嘢,大人嘅嘢佢哋都冇時間理。(羅霖知你拍拖?)唔知佢知唔知,已經冇聯絡。」並透露與前妻的官司已完,各自負應有責任。