梁詠琪爆囡囡有遺傳病

歌手梁詠琪(GiGi)、吳建豪、栢天男及余潔滢等昨日出席DNA檢測發布會,GiGi表示懷孕時已接受過DNA檢測,了解胎兒的健康狀況,報告成績滿意,癌症及嚴重疾病數值屬低風險水平,最開心是她抗壓性、耐力很高:「簡直係戰士級別,相信喺娛樂圈生活有關,訓練到可以面對種種困難及壓力。」

GiGi說外籍老公與女兒的DNA檢測,驗出有幾項可能是來自遺傳的疾病,但卻不肯透露詳情:「我先生家族嗰邊真係有成員患過呢類疾病,但係我哋飲食健康,所以好放心。」最令她感神奇是測驗指囡囡的強項是跳舞、唱歌及語言,問到是否囡囡叻過她?GiGi說:「望都咁望啦,長腿目測都睇到,佢依家4歲好似7歲大咁高,最緊要係整體健康。」

Aka Cheronna易皮膚敏感

同場的組合Super Girls兩位成員Aka和Cheronna表示18日後就有測試結果,已知兩人容易有皮膚敏感及難以入睡的問題,揚言要推介檢測給將結婚的成員Jessica,Cheronna說:「如果佢生小朋友,可以幫佢知道仔女邊方面有潛能,再集中栽培。」談及兩人各自單飛推出新歌,Aka望新歌《生來起舞》可帶給歌迷正能量,而Cheronna的《無利可圖》是跳舞歌,風格不同,不會變成「自己人打自己人」。