荷里活導演昆頓塔倫天奴（Quentin Tarantino）執導的第九部電影《從前，有個荷里活》（Once Upon a Time...in Hollywood）剛上映，曾揚言拍畢第十部電影就會收山的他，有傳最近受訪時「放風」表示有意開拍《標殺令3》（Kill Bill Vol.3）作為告別作：「最近同奧瑪花曼（Uma Thurman）傾過，我又有一啲想法，所以我哋上個禮拜傾過呢件事，如果我嘅戲中有任何一套可以延續落去，咁一定會係《標殺令3》。我好想知道『新娘』（奧瑪角色Bride）10年之後、15年之後會發生咩事？佢個女又會發生咩事？」網友希望奧瑪現實中的女兒Maya Hawke飾演她片中長大後的女兒。