諸葛紫岐地位不變永遠都係No.1！
名媛諸葛紫岐與丈夫薛嘉麟，昨日在港為細仔Andersen舉行百日宴。兩人相當疼錫囝囝，不過薛嘉麟坦言太太在他心中永遠排首位，公然放閃！
諸葛紫岐（Marie）今年四月宣布為Neway太子爺丈夫薛嘉麟誕下二公子Andersen，昨日在金鐘一間酒店筵開22席，舉行以馬戲團為主題的百日宴，寓意一家人開開心心，幸福快樂。Marie大讚細仔乖巧易湊：「因為有哥哥有啲經驗，依家冇咁緊張。細仔好乖，食完奶就瞓覺，不過未戒夜奶，三個鐘頭要食一次，成日冇覺好瞓。」
大仔幫細佬改名
薛嘉麟透露大仔Arthur已為弟弟選了中文名，但稍後才公布：「我哋畀咗四個名Arthur揀，都要尊重佢。哥哥真係好錫細佬，又冇呷醋，要頒個『最佳哥哥』獎畀佢！」會否想再追個女？他即笑言要先問細仔意見。
質老公密密食
Marie今次生第二胎保密工夫做到足，更火速收身，對於被傳請代母，她說：「幾開心Keep到咁嘅身材。」問到之前為何不公布懷孕消息？薛嘉麟說：「其實唔想佢有咁大壓力，第一胎時佢壓力好大，生完情緒波動比較大，今次想畀多啲空間佢，等佢舒服啲。」至於Marie有何收身妙法？薛嘉麟說：「將啲嘢畀晒我食！」兩個兒子在家中地位高，問Marie現時丈夫在她心中排第幾？薛嘉麟搶答：「冇所謂，總之太太喺我心目中排首位，我喺太太心目中有地位就得！」