自爆性上癮需接受治療、但又周圍溝女的張致恒，分分鐘是以性上癮作為藉口！專業性治療師及兩性關係輔導員何慕詩表示雖沒跟他溝通，但認為對方未必是性上癮，因性上癮是指要對特定某人、某行為或某物品有不斷重複的瘋狂行為。如果明知自己花心，喜歡同一時間追多名女仔及發生性行為，從而產生存在感及覺得有型，就不可以用性上癮作掩飾。問到會否覺得張致恒偷食是病態？她說：「咁要睇吓佢放縱自己定係戒唔到，究竟係年少輕狂定覺得好有型，定係想要存在感。佢咁大個人有個人價值觀同經歷，要睇吓佢點睇男女之間性嘅睇法，呢啲嘢冇得逼佢去接受治療，要等佢醒覺，尋求幫忙先可以解決。」