周家蔚黃祥興「煮」攻中西餐
藝人黃祥興與周家蔚昨日在灣仔書展宣傳食譜新書，收益用作慈善用途。黃祥興的強項是煮西餐，家蔚則拿手煮中餐。祥興表示與小朋友外出食飯時，會留意他們喜歡吃甚麼，以便在家中下廚時加重料氹小朋友開心。問到可有興趣推出個人食譜？他說：「如果自己孭一本書會有壓力，今次一齊出輕鬆啲。」
此外，周家蔚出席另一活動時透露兩個兒子開始放暑假，故近日不停遊飛機河：「同班好姊妹去完台北、宜蘭旅行，我自己又飛過杜拜，咁啱有親戚結婚，我再返加拿大，嚟緊25號就會帶埋兩個仔去芭堤雅同曼谷探老公洪天明班。」並笑指天明已做資料搜集，叫她屆時帶兒子去當地的水上樂園暢泳：「天明比較有精力，可以同時間照顧到兩個仔，但如果佢唔喺度，我冇信心同時湊掂兩個。」