陳逸璇初試直播喊驚!

歌手陳逸璇(Jolie)昨日到電台宣傳新歌《短暫的新分》,最近重返環球的她表示已有13年沒有來電台,笑言好彩食了「防腐劑」:「所以我扮新人都仲呃到人!」她又透露前晚嘗試開直播唱歌,感覺很特別:「好似冇人聽咁,但其實有幾千人聽,原來做咗個大騷都唔知。」笑言初初不知在Facebook做完直播會流傳開去:「我之後先識驚,等我唱Live時仲好輕鬆咁,冇諗過會發到咁大,遠到我加拿大嘅表姐都有Message我,所以Social Media嘅力量唔同,真係唔認老都唔得。」往後打算多做直播,但自言較喜歡睇現場觀眾的反應,故現時要慢慢適應。